سلمولى

سلمولى ع البلد دى
والى ساكن فى البلد دى
والى عدى
والى لسه جاى...... يعدى
والى جه اوانة
والى لسه أوانه ماحصلش...... عندى
سلمولى ع السواقى الى اتكسرت قواديسها
والشوارع الى اتكسرت فوانيسها
سلمولى على قال الحق حق ...... مقالش زيف
والشجر وهو واقع ورقه فى .......الخريف
والطهارة ف قلب طيب وديما عفيف
والى كفة مليان طهارة و ديما نضيف
سلمولى على ابراج الحمام
الى سكنتها الحدادى والغربان
واراضى القمح مقمحة قضبان
سلمولى ع السنابل والعيدان
والى انكسر فيوم ماقام
والجوامع
ولمدنه وهى عاشقه الادان
والى شايل لسة عشقه جوه قلبة
ويوم ماخان
والى صان الود
وعمر الود علية ماهان
والى ضحه بنفسة وعمره ماكان جبان
سلمولى ع الصبايا الى فيها
والدفا الى ساكن حواريها

*** *** *** *** *** *** ***
سلمولى على حبيبتي
قصدي إلى كانت فيوم حبيبتي
إلى باعت فيا قلبي
والى باعت فيا طيبتي
والى فاتت قلبي يحبها ويعشقها
وراحت للي يحرق قلبها ويحرقها
والى خلاها تبكى
وهي كان دمعها عندي
آمر من لحظه فراقها

سلمولي عل ... الحبابيب وأبعتولي ..

كلماتك جميلة أخي في الله ـ فتى مصر

خالص شكري لهذا الإمتاع الغنائي .

أخي فتحي :

قلمك جميل

كلماتك رائعة

شكرا لك

أخي الكريم / فتى مصر ..

أهلا ومرحبا بك مبدعا في واحة الخير

زجلك جميل وفيه جمعت الهم العام والخاص

سلمت وسلم يراعك ، واسمح لي بنقلها إلى ( منتدى الأدب الشعبي والمترجم )

فهناك مكانها الصحيح ..

وحللت أهلا ونزلت سهلا .

اشكر كل العبور- وكل الكلمات الرقيقة من الاخوة الافاضل
والى اللقاء مع كلمات جديدة

فتى مصر
معانيك حلوة جدا
تقبل تحياتى على زجلك الجميل