خيمة عزاء
لما السكوت اصبح له مدنه م الكلام
خيمة عزا بتندق في وسط الركام
واصرخ انادي ع الولد
ليه انجرح خيط البخور
رد الولد:
قاعدين بيبنوا في السواقي لجل ادووور
تحت الزمن بنحت في وشك يابلد
واحبس غناوي جوه جدران النجوم
وانا اللي شايف كل شيْ فينا بخون
مش انبهار....لما نشوف عصر التتار
نفتح بيبان الخوف وننده ع النهار
مين اللي جاي يفتح بيبان مارد حزين
وازاي يطير من غير جناح قلبي الضرير
شمر دراعك ياولد
ليه الدموع تحبس نغم
ح تبيع كلام.......
طاب قولي مين راح يشتري
قهر الندم
يغفر لقلبك يابلد
د الاحتلال شيْْ مش غريب......عارفه تمام
هما اللي باعوا للعرب ....قنديل ظلام
رايحين تشوفوا ف قلبكم كلمة ندم
مش من عدم
بغداد عروسه واغتالوها ف عرسها
فاردة الضفاير خيط رماد
واحزان زمنها تضمها
بتعيد ضفاير حزنها فوق ابنها
ليه النسيم مقتول ومرمي ف ارضها
طاب مين ح يسمع للبنفسج انته؟
او مين يرجع يوم لقلبي فرحته؟
لو يا سما تدلي نجومك سلمه
وتحشي منا الخوف
دقلوبنا عايشه مسلّمه
حتي القمر....غابت ليالي هلته
لما العويل جوه الحناجر يشنقوه
وف سن ريشتي والقلم راح يكسروه
يعصر الم....
زي الرصاص يخرم ضلوع ليلي الطويل
اه يا عرب.......
رايحين نشوف الرعب من فوق ارضنا
وخوفنا خوفنا كلنا من بعضا
اصل اللي ضايع حلمنا
في وسط توهة اسمنا
حتي الغروب لملم شراعه وارتحل
والريح خلاص بيشد اجراس الحداد
واحنا اللي عايشين جوه عصر السندباد
ما تقولوا مين
ينسج مصيرنا اللي انقتل
يغسل قلوبنا بمايه طاهره من المطر
فين القمر
ليه ياقمر دبلت عيونك وانقتل فيك
الامل
رد القمر:
الجرح زايد في القلوب
طفّي من القلب الغزل
حتي النهار داخل عليكم
تحت صدر الكون قفص
اما التراب
قاعد بيشرب في الدموع
رفض الخضوع
وتزغرتوا.........
بأنفض هموم فوق الهموم ناح الوتر
رايح لفين............
د ما فيش مفر من الخطر
اه يا وطن
بحلم اعيش والشوق مليني والحنين
والقي النجوم مكتوب عليها
بالرموش السهرانين
(كلمة عتاب)
ليه ياوطن
تلبس في توب الحزن في عز الربيع
د الحزن لسه جوه قلبي بينبعث
والدمع نازل من عبوني بيرتعش
د انا اللي شايل فوق ذنوب الدنيا دنيا
فوق رموشها خط رسماه العصور
ميت في صوتها الف طيره من الطيور
اه يا عرب
ماقدرتوا حتي تكسروا وسط الحناجر رعبكم
اخدوا البلد قدام عنيكم كلكم
واحنا قلوبنا لسه حبله بالسكات
حاضنه الحروف مليانه خوف
ةازاي ح تشعر بالثبات
د الليل بيصرخ في النجوم
والشمس غرقت فب المغيب
وأنا الغريب.......
ايه بعد ايه......اتمني ايه
ان كان في قلب الدنيا معزي ادفنوه
كل الكلام راح تسمعوه وتحفظوه
وتغنوا بيه لحن الوداع
واحنا بنفتل حبلنا
علشان ما نشنق فجرنا
اللي ح يكشف عجزنا
ويقولوا ماااااااااااااات
مين اللي مات
الريح جبان خايف يرد
والكلمه ولدت في السكات
رد مع اقتباس
المشاركة الأصلية كتبت بواسطة علاء مسلم
