بنتنا لبغداد
مبـــــــروك عليكم حقيقى بنتنا بغداد
وماتشغلوش فكركم ببكانا ووجعـــتنا
لا انتم غزاه وتتار ولاحفنة م الأوغاد
بسخاء دفعتو التمن واحنا بغباء بعنا
مبروك عليكم بنتنا بغداد
بايعين كتير قبلها من صلبنا أولاد
والقدس اكبر مثل والضفة مع غزة
قطعتى بينا صحيح ورحلتى يابغداد
هو نصيبنا كده مايعيشلناش عزة
مبروك عليكم بنتنا بغداد
بعناها إحنا ف مزاد لاكن... ماهش علنى
ونوينا نمحى ف قاموسنا كلمة إستشهاد
وقرينا فوق قبرها ...... ف السر والعلن
وحلفنا مليون قسم.. لنزورها ف الأعياد
مبروك عليكم بنتنابغداد
مبروك عليكم حمانا ..ومجدناالعربى
ونشد إحنا الحيل فى عرضناالمدبوح
لكن رجاء تنشروا النعى.... بالعربى
واحنا كمان نلتزم بتمنها مش حنبوح
مبروك عليكم بنتنا بغداد
والبركة فينا ف حلمنا العربى
( سعيكم مشكور )