|
جيت أكتبها القصيدة واكشف اسرار الغــــــدرْ |
كلت لازم كلّ ناسك تعرف اش سويت فينــــي |
كلت لازم هالقناع اللي لبستــــــه من دهــــــرْ |
أرفعه ،وأزيح عنّـــك كلّ شــــــكٍ يعترينـــــي |
فكّرت أكتب عمـــــودي واللا اكتبهـــا نثـــــرْ؟ |
اعتقد يمكن خواطــر وابغى اسميها سنينــــي |
فجأة خليتك ببالـي وطــــوّلت في ذا الفِكــــــر |
مَرْ وجهك يبتسـم لي وارتفع ضغطي وحنيني |
ما عرفت أكتــب ولا كلمة إلا صار الفجــــــــر |
وارتفع صوت الآذان وصاح في صمتي أنيني |
الله اكبر يالغرامك جارٍ بي كالنهـــــــــــــــــــرْ |
كل ما تطعن بدينك ، أكتشفها من إدينـــــــــي |
مرّت أشهر وانت بعدك لا جواب ولا خبـــــــر |
مرّت أشهر ياه منّك ، مرّة ما فكّرت فينــــــي |
وش جرا له؟ كيف حاله؟ هالمعــذب بالجَبــــر |
وانا أسمع بالخطوبـــة لين جننـــــي ونينــــي |
لحظة ..لا تحسبها موضه، موجة احزان وقهر |
وانتّ تحرم من عيوني نظرتي ، وانت عيوني |
ما بكَى لي من غرامك غير أشواقي وصـــور |
والسجائر، من تغادر يعني يخلص (نيكوتيني) |
أسهر الليل وأدندن أجمل الحــــان العصــــــر |
صوت (كاظم) من يغنّي و(المهندس) يطربوني |
يعني ما فيها مجالٍ أنكســــرْ يعني انكســــرْ |
لعن ابو جدّك !!عذابي زاد عن حدّه وشجوني |
أكتب أشعارٍ طويلـــة واختصر ، إيــه أختصر |
ليه ما كثّف حروفــــي وانطق بلوعة سنيني؟ |
فكّرت أكتب عذابي دامنـــي باقـــــي انتظــــر |
تفسخ ! وتحلم بانّك بالعنـــى تبقى سجينــــي |
تكول أنّك في اختيارك قررت أن((تستخــرْ)) |
وانك بحلمك توارد ، لكْ خـــيرْ تبيع فيني !! |
عذر واهي، وأي واحد يعتــــذر ركب البحـر |
دام طوفان( المصاري) يكــدر يحطمْ سفيني |
وانا عيبي الفقر كافر( أي نعــم عيب الفقر) |
بس ربّي اللي عطاني عزّت النفس ايحَميني |
نعمة الخفّاك نعمة وتستحــق منّـــــي الشكرْ |
واسجد أطلبْ ألهي برحمتــه أن يجتبينــــي |
بعد مدّة من بعادك أنتهي بلمحـــــة بصــــرْ |
وابتعدْ، يمكن أموت ولا اجيـــك ولا تجينـي |