((انا......و الذات))
==========
(مابيننا حكايات) >>>>>>>>>>>>>
---------مدخل
=====
اذا كانت الارادة حرة
فكيف انتحرت؟؟
اذا كا ن حاكم نفسك
فكيف حكمت؟؟
اذا كا العقل هو مركز التفكير
فكيف جننت؟؟
اذا كان الشعر فنا و حياة
فكيف دفنت؟؟
===============
(انا...و الذات)
نزيف الحلم
شلاله
عروق وجعى
اغوص فيكى
الاقيها
نزيف الحلم
بيخبط على جروحنا
يصحيها
و نفس الجسم يتملك
يصب الكاس
ف دوامة........ّ
باليل ........و سكوت
و ماضى كان نزيف
ذكرى
جبتلى العطف
عيون الناس بتوهمنى
و روح تانية
جابتلى الموت
فى فوت ذكرى
يصحينى
نزيف الروح
الاقيها
ادوب فيها
تدوب منى
يعود شلاله لعروقى
و لمسة بين كرات دمى
بتعكس نور
و ضله كان ملازمنى كما ضله
فارشنى بلونه و ملامحه
و كان جرحه بيفرحنى
عشان اطلع
تهنى الاه بالاهة
نزيف الحلم
------------------------
نزيف الحلم
كان ذكرى
و برضه حييجى
بيه بكرة
و حاضر ماشى بين الاتنين
تايه
مش عارف يوصل منى لفين
مجنون
كتير نبضات
دق القلب
ببان مقفولة
و اتفتحتلوا
عايش فيها الحب موارب
طيبة يا زمن
النسر الجارح
رفرف اعلامه
بارواحنا
ذكرى جروحنا
مش حتموت
طول ما نزيف الحلم
بيسرى
جوا عرقى
مستنى يوم
ييجى الجفاف
فصل الربيع
دام الورق
بالحب كل كتابة ناجحة
عالورق
بس الحياة
مش ملكنا
الفرق بينى و بينه
كفنى
و كام ورقة بتنعانى
و انا عايش
ورق مغشوش
و ابح على الكلام
دبلان
تغطى كل اجزائة
و مستقبل...بدوامة
مابينهم الاندهاش حيرا
كلام مدبوح
و مرمى فوق سطور
الروح
ف عين سجان
شباب احلام
و برضه لحقى انا موالى
ياما حكون
يا اما حتنعوا موالى
و انا المسجون
-----------------------------
نزيف الحلم
راح يرسم
خطوط وهمه
على كفى
متخدعهوش الاعيبى
و من عيبى
ساعات بسرح
اكون .....انسان
بدوامتى
و رافع م الجراح هامتى
عشان كسبان
و اذا هانت بايامنا
صراع جارى
صراع ازلى
ماله نهاية
اعدى من نزيف الحلم
و اتسحب
لارض الحلم
و اذا حكمت
مافيش مهرب
دا فين ما حروح
حلاقيها
ادوب فيها
تدوب منى
و يعزفلى العدم
بوجود
و الاقى نزيف و يتكرر
و برضه منه حتعلم
عشان وقعة تصحينى
تضمينى
ادوب فيكى
تدوب فيا
وواحد تانى راح يرجع
و يتعلم
يمنطقها
تانى امل
تانى اختيار
اعشقها دا اسواء قرار
علشان اعيش
اما اموت
و انتهى جوا التابوت
مخلوق ضعيف
الاقيها
و اموت فيها
تموت منى
و انا اتحرر
و حنسى شعور
نزيف الروح
------------------ ------------------