أعمل إيه ؟

أعمل إيه ؟!!!

مش عارف أعمل إيه فى الدنيا اللى أنا فيها ...
أعيشها زى ما هيّـه و الا أجافيها ...
إن كنت أجافى تبان لى مفاتنها ...
و ان ملت ليها تظهر بلاويها .
لذيذه هيّـه و طعمة بدون فلسفة ...
لا تقول أرسطو قال و لا إخوان الصفا ...
تعقيدنا فيها خللا الجمال اختفى ...
عيشها كده .. تلقى الحنان و الدفا .
أسعد ما فيها كان أبونا اللى عاش فى الغابة ...
تفرقشى معاه إن كان هاتور أو بابه ...(1)
ثمرة تقع له يلتهمها و يشكر ...
و الشرب ميّـة ترميها له سحابة .
مبقولشى نحيا زى ما عاش جدك ...
الدنيا دى ما تعيشّى فيها لوحدك ...(2)
بس البساطة تبقى لك دستور ...
إسعى إليها و ركز عليها جهدك .
-------------------------
(1) هاتور , بابه : أسماء لشهور مصرية قديمة مازال يعمل بها فلاحو مصر
(2) ما تعيشّى : لا تعيش ..

مصطفى سلام

الدنيا سكة سفر غريبة
من قام بفلسفتها اتعب نفسه
عيشها الحياه زى ماهيا
هههههههههههه
تحياتى لك ومودتى

أخى مصطفى

تحية طيبة لك ولقلمك الجميل

هذه هى الحياة أحياناً ترسم على شفاهنا البسمة

وأحيان كثيرة ترسم الأحزان على عيونا وقلوبنا

نعيشها زى ما هى بحلوها ومرها

دمت بكل الخير والتألق

الدنيا حلوه ياعمي سلام

يكفي عايشين

ونذكر رب العالميين

الله يعطيك الصحه والعافيه وطولة العمر

والحمد لله رضا

جميلة جدا أخي مصطفى سلام

سلم قلمك

تقبل خالص إعجابي وتقديري وباقة ورد

د. فوزى :
لازم أعيشها زى ما هيه .. أو ستضطرنى هى أن أعيشها زى ماهيه عايزة.
شكرا و امتنانا لكلمتك و مؤازرتك ,,,
مصطفى سلام

الأستاذة منى :
إن رسمت البسمات .. فالحمد لله ..
و إن رسمت الأحزان .. فصبر جميل ..
و لكننا لا بد أن نحياها .. و أن نتقبلها على ما هى عليه ..
ذوقك عال , و إحساسك راق ..
دمت و دام ذوقك و إحساسك ,,,
مصطفى سلام

الأستاذة شمس الحرية :
هى فعلا حلوة .. و كلمتك تذكرنى بأغنية لفريد الأطرش يقول فيها :
" الحياة حلوة .. بسى نفهمها ..
الحياة غنوة .. ما احلى أنغامها ..
ارقصوا و غنوا و انسوا همومها ..
دى الحياة حلوة ..."

لك خالص امتنانى لرقى إحساسك و سمو ذوقك ,,,
مصطفى سلام

الأستاذة النبيلة سحر الليالى :
و هل تسمحين لى أن أهديك عدة باقات من الورد تقديرا و إعجابا بذوقك و متابعتك و سمو إحساسك ؟
امتنانى لك لا حدود له ..
دمت , و لك كل التقدير ,,,
مصطفى سلام

الله يحفظك


واياك تعاندها

دي المولي ريدها

وخليها علي الله