:::( أمانينا بتندهنا ):::

(هو) ليالى الغربه تبعدنا
(هى ) أمانينا بتندهنا
(هو) ومهما ياليل تعاندنا
(هى) مسير الحب يجمعنا
(هو) ح تضحك لينا أيامنا
(هى) وأحلامنا حتبقى لنا
حتبقى لنا ...... حتبقى لنا

(هو): حاغنيلك بصوت مشدود
وحاعزفلك كمنجه وعود
واحنّى ضحكتك بالمسك
وازوق سكتك بورود

(هى) : على نورك وصوت عصافير
حاغنيلك أغـــــــــــانى كتير
وحتعلم أكيد منــــــــك
يابشرة خير وقلب كبير

(هو) : شروق الشمس ف جبينك
يابدر ف عين محـبينـــك
جميع الناس وكل الكون
عليا يا عمرى حاسدينك

(هى) ولا يهمّك ما دمت معاك
أنا ملكك .....أنا حبّاك
بغيرك عمرى ما يسوى
أنا عمرى وروحى فداك

(هو) وانا منّك وانا ليكى
يهون الصعب لعنيكى
كفايه تكونى ويايا
واعيش جنبك وحواليكى

(هى) كفايه عليا تبقى لى
يا حلم ف قلبى وخيالى
وانا وياك لاقيت نفسى
و لسه الدنيا جايالى

(هو) تهون الدنيا دى بحالها
وعمر يا غاليه ما تهونى

(هى) تهون الدنيا دى بحالها
وبرضه ف قلبى وعيونى

(هو) ح تضحك لينا أيامنا
(هى) وأحلامنا حتبقى لنا
حتبقى لنا ......
حتبقى لنا

صوت وصدى

الله الله

محاورة جميله ورقيقه .. صح السانك اخوي فريد

صوت وصدى
الله الله
محاورة جميله ورقيقه .. صح السانك اخوي فريد

العزيزة / نادية حسين

الله على حضرتك .... ربنا يكرمك يا استاذة

محبتى

العزيز فريد...

حوارية جميلة...وكما قالت العزيزة نادية صوت وصدى...

الصوت كان مدويا..والصدى جاء مناجيا...

نجحت في ايصال الفكرة الينا من خلالهما

دمت بخير
محبتي لك
جوتيار

وكأنك تستعيد من عمق الذاكرة لغة للتغني نظنها توارت خلف سحابات الابتذال
لكنك تؤمن بأن خلف غبار الغناء شدوا وحنينا هو الأرق والأعذب

وكأنك تستعيد من عمق الذاكرة لغة للتغني نظنها توارت خلف سحابات الابتذال
لكنك تؤمن بأن خلف غبار الغناء شدوا وحنينا هو الأرق والأعذب

الاستاذ / محمد البدرى محمد

شكرا لجميل كلاماتك يا اخى ولمرورك العذب .

كل عام وانت بخير ورمضان كريم

محبتى