دَبَحوه في العيدْ !!
دبحوه في العيدْ !
وِ اخْوات إمبارح .. هُسْ
ولا تسمع ليهم حسْ !
خرفان خايفين م السّكينةْ
والناس غلبانة ومسكينةْ
بتخبّط إيد على إيدْ !
دبحوه في العيدْ !
دبحوه واتفرّجت الدنيا
نقلوا الإعدام ثانية بثانية
كانوا ظانين إنه هيبكي ويخاف م الموتْ
والرعشة هتسري فِ كيانه ويرقع بالصوتْ
علشان يِتشفّوا وتتشفّى فيهِ الدنيا
لكنْ من كُتْر ثباتُه اتعجبنا
والمحنة طحنت فِ قلوبنا
كان صوتُه وهوّ بيتشاهدْ
بيهزّ الكارِهْ والحاقدْ
ويخلّي العاشق لنظامه
يصرخ ويقول : واللهِ شهيدْ
دبحوه في العيدْ !
دبحوه في العيدْ حاجة فظيعةْ
علشان يفرح قلب الشيعةْ !
ويخاف من إعدامه الساسةْ !
لكنْ أسيادنا اللهم احفظهم
فهموا المقصود واتحلوا بفطنة وكياسة !!
سكتوا والنار كاوية السّاحةْ !
والناس مجروحة ونوّاحةْ
وأمِرْكا القادرة الدبّاحةْ
بتطلّع للخلق لسانها
بوقاحة من بعد وقاحةْ
والبيت الأبيض ورجاله
بينادوا ع الوطن العربي
ويقولوا بالحقد الغربي :
ورّينا عجين الفلاّحةْ !!!