بسم الله الرحمن الرحيم
استاذتي الكرام اسلام عليكم ورحمة الله وبركاته
تمليذكم مبتدئ جاء ليتعلم منكم
فلا تبخلو عليه بالنصح و الارشاد
شاكر كم
اسمعوا القصة دي عبرة
قصة مش حبر و ورق
قصتي مع بنت حوا
قصة عمري إللي اتحرق
كنت ماشي في يوم منيل
في الشارع وقبلتها
قولت خلاص لقيت حبيبتي
قصة وهم وعشتها
شوفت في عنيها بحبك
شوفت كلام يا ريته مات
شوفت فيها أحلى غنوة
من زمن الحب اللي فات
رحت ليها وهي قاعدة
في مكان هادي وجميل
قلت ليها بحبك انتي
وقاليتي كلام ملوش مثيل
قالت روح واطلب ايديا
ويا ريتني ما سمعت الكلام
عقلي كان دا فين يا عالم
ولا غطاه الغمام
المهم رحت بيتها
لقيت ابوها وعمها
واتفقنا على كل حاجة
ووصاني اني احبها
والمأذون جاني يا عالم
زي حانوتي المواتم
لبستني دبلة فالصو
وانا جايب كوم خواتم
ورحنا علعش الجميل
إلى صار بعدين سجون
عشت فيه شهرين عسل
والباقي عشته في شجون
عايزة ايه يا بنت حوا
عايز منا تاني ايه
كل يوم عايزة حاجة
حملك مش قادر عليه
سمعتي كلام حماتي ليه
ومليتي بيتي بالعيال
خلو حملي يزيد عليا
حمل اتقل ملجبال
عايدة وسمير مرسي وعبير
وعايزة كمان تجيب ايهاب
دا غير جلال وكمان دلال
الدنيا اسود ملهباب
ارحميني حرام عليكي
هو آدم مش بشر
طول النهار شغل وقرف
لما الواحد ضهرة انكسر
يا بنت حوا حرام عليكي
ظلمك دا ملوش مثيل
بعد شغل اليوم بحاله
عايزاني ألم الغسيل
شغل بيت دا ايه يا عالم
إللي هانساعدها فيه
هو شغل البيت دا حاجة
ملي آدم بيعانيه
مسكت قلمي وحلفت لكتب
شعر هجو في كل حين
لبنت حوا اللي عامله
كلها طيبة ولين
بنت حوا اللي ماشية
في البلاد تقول حرام
حقي واخده مني آدام
وعايشة وحدي في الضلام
خد مني مالي وكان حلالي
وشبكني بشوية عيال
طافحة دم ويومي هم
وعيشة طين ملهاش مثال
بنت حوا المفترية
عايزة تاخد حق آدم
شغلت الدنيا بقضية
وحلفت لتسيبه نادم
يا بنت حوا ياللي عاملة
ملاك ونازل م السما
آدم المسكين بيتعب
وانتي قاعدة منعمة
يا بنت حوا ياللي عاملة
زي بحر ملوش قرار
آدم المسكين بيشقى
طالعة عينه ليل نهار
وإنتي عارفة كل حاجة
بس ياللي استعبطي
آدم المسكين يموت
وانتي قاعدة تتشمتي
شكراً سلاموووووووو عليكووووووووو