كبر الولد وسألنى يابا السلام دا معناه ايه؟
هقوله ايه غير السلام الى كبرت يناس عليه؟
السلام يبنى كلام معناه تاكل بدرى وتنام واياك تقوم قضيها نوم
اصل الهموم لو قمت يبنى هيبقى حالك مش تمام.
غمض عنيك وانسي الى ليك واياك تفكر اى فكرة ولا تحلم يوم ببكرة
ليبقى يبنى حرام عليك وتروح هدر وسط الزحام .
خليك جبان خليك مهان وامشي من جوه الحيطان وخلى صوتك جوة بقك
واوعى تنطق يوم بحقك ليحسبوك ضمن الغيلان وتتقلب فجأه لمدام.
اوعى يعلا ف مرة صوتك سيبه يطغى عليه سكوتك والا قطر هناك يفوتك
ومش هتلقى الا موتك يا تتقلب عشتك ضلام.
حط راسك ف التراب واوعى من وهمك تفوق
وارضي يبنى بالعذاب غصب عنك ولا زوق
السلام دا ف كلمه واحده السلام معناه خذوق--- ودا اساس الاحترام
وهو دا يبنى السلام الى لقيته جوة بلدى هو دا عكازتى فيها وهو سندى
و دا الى أنا اتمنيت عشانه متبقى ولدى عشان متسالنيش ف يوم معنى السلام.
عرفت يبنى يعنى كلمه سلام؟؟؟
دبحوا الحمام والكل نام ولا عاد فى شيء بيستحق الاهتمام الا الاغانى والغرام وساعه فراق وساعه خصام
وناسيين انه يناس حرام دالمولى من أساميه الكرام اسم السلام.... خش يبنى عشان تنام
للشاعر (أحمد سعيد موسي)
.
رد مع اقتباس
المشاركة الأصلية كتبت بواسطة خالد الهواري
