قراءه للواقع وامل بالمستقبــــــــــــــــل
من صدگ بيه تعب
و من صدگ بيه هموم
وأصبح وكتنه صعب
غامض أوما مفهوم
النسر ما ظل نسر
والبوم ما ظل بوم
دزيت گلبي عليك يريد گطرة دم
رجعته ناشف عجب
عبيته بس أسموم
شأذكر إلك يا زمن
من فضل الله علي
امصلخ وعاش بدوم
الدوم تستر عليك
بحيطانهه تغطيك
بس القضيه تره والقصه قصة اهدوم
ما ظل دمع ينبچي
وما ظل حچي ينحچي
الأسرار كلهه أظهرت
ما بقه شي مضموم
لشوكت نايم تظل
يا فهد يمته أتگوم
إن چان مثلك رگد
المن تريد اللوم
فز وانتفض واشتعل
سل سيفك المثلوم
ارفس أجروحك رفس
عل وعسى ونرتجي
ميظل سمانه غيوم
باچر أتعدل تره وتگعد الدنيا وزن
ونتقاسم المقسوم
الشرف لأهل الشرف
والخزي لأهل الخزي
والعار لأهل العار
أرجوك اسمع كلامي عدل
وخله يظل مفهوم .....
الشاعر محمد الفهــــــــــــــد
رد مع اقتباس
المشاركة الأصلية كتبت بواسطة محمد الفهد
