أبناء النتـــن .. ذات مسؤلية غير محدوده

يدخل فى كامل هيئته
عملت إيه ياعبصير .. فين التقرير ؟
ياريس الموضوع محتاج وقت لإعداد الهيكل الإدارى .. دا غير ميزانيه خاصه .. وكمان الطاقم الفنى لازم يكون من أهل الثقه .
ثقة إيه وخبرة إيه ياعبصير .. الكلام ده كان أيام جدك تحتمس .. خليك فى الديجيتال وخلصنى وحياة جدك .
حاضر يافندم
بعد يومين
تعلن أبناء النتن عن حاجتها لأى نفر تتوافر فيه المواصفات القياسية التالية :
- نتن
- لأبوين أنتن منه
- يفضل مجهولى النسب
- يفهم أحيانا
المستندات المطلوبه
أحكام جنائيه ماسه بأية حاجه .. المهم تمس
شهاده معتمده بتنفيذها .. يفضل من يثبت هروبه من التنفيذ
شهاده معتمده بسوء سلوك الأسره ونتانتها
بعد شهر
تمام ياريس تم الاختيار طبقا للمواصفات .. إنما الولاد إيه ياريس .. حاجه تفرح .. اللهم صلى عالنبى .
أشوفهم بنفسى ياعبصير
حالا .. أدخل يانتن إنته وهوه وهيه .
فى نفس واحد .. صباح النتانه ياريس
إيه ياعبصير ... دا الولاد كلهم حماس وجايين جاهزين .. بسم الله ما شاء الله .. همه دول الشباب .
الكل فى ذات النفس .. البركه فى أنفاسك ياريس .
شوفوا بقه .. أنا عارف كويس إنكم غير .. عشان كده إخترتكم لمهمه مش سهله .. محتاجه يقظه ومرونه .. وإخلاص .. عاوز همة .. نشاط .. واوعوا تنسوا المرونة .. استوعبوا التدريبات بدقه .. عندكم طقم تدريب أساتذه فى كافة المجالات .. أدب .. سياسه .. فكر .. كله .. مسيبناش حاجه .. فاهمين ؟
إطمئن ياريس
يللا اتوكلوا على الله .. إبدأ التدريب ياعبصير .
بعد سنه
الحمد لله ياريس الولاد بقوا شعرا وأدبا وفنانين ومفكرين وسياسيين .. حاجه تشرح القلب .. وجاهزين .
جاهزين ؟
أيوه ياريس جاهزين ومنتظرين تعليمات سعادتك .

وزع ياعبصير

وزع يا عبصير

مين اللي وزع يا عم انت ولا عبصير

وزعت كلام ولا أجمل منه سخريه جميله

ومستني أشوف عمك عبصير هيوزع ازاي
ههههههههههههههههه

طائر والله

**)) هههههههههههههههههههههههه
مشكور على الحبكة اللذيذة والسرد المحكم
تحياتي

حقيقة نص يستحق أن يقرأ ويقرأ ويقرأ ..
رغم مرارة السخرية في حلوقنا إلا أن شر البلية ما يضحك ، وهذه سياسة ............
ما انت فاهم يا عبصير ..
وززززززززززززززع ..

رائعة بحق ..
لك الشكر على نص حمل هم الأمة بابتسامة ساخرة .


دمت متألقا مبدعا ..
إني كما النار أقول هل من مزيد ..


تحية حبكت من زهور الربيع والود الصادق .