قالو علينا شباب خايخه
فلحنا ف النكته البايخه
شباب شباب لكن شايخه
قالو شباب الفيس بوك
شبابنا منحل وصايع
وم الحشيش ديما ضايع
وف بقهم القول شايع
دوله شباب الشيش واليك
قلنا هننهض بمظاهرة
على الوجود وتكون ظاهره
ومحلها ارض القاهرة
قالو الشباب اهه هتعك
بدأت بيوم خمسه وعشرين
ضربونا ف تمانيه وعشرين
ووقفنا وقفة بني أدمين
وقطعنا فيها يقين الشك
حطمنا فيها كل فساد
خلعنا فيها ريس عاد
والظلم فيها زي رماد
والعدل اصبح زي البوك
شافو ولادنا وجسارتهم
وهمه بانت وسخاتهم
ف السجن يحسبو خسارتهم
ما بقتش عايز حد يلوك