حصان حلاوة

لما كنا صغيرين...
كان الحصان رمز الفوارس
حصان حلاوة بنشتريه وقت الموالد
والكل واقف وحارس
اللي يفضل للنهاية ده يبقى جامد
الكل بيزين حصانه
خايف عليه من كل واحد
بس الحقيقة المعلنة
ان الحصان هيجيله وقت ويتكسر
لكن محدش مننا
عنده الجراءة يفتكر

وبلدنا برضو حصان حلاوة
فيها كتروا الفوارس
بيبالغوا جدا ف الغلاوة
والكل شاهد وحاسس

كل واحد ليه حصانه
همه يفضل هو بس
لما يفضل للنهاية
يبقى فارس قوم عبس
والمهمة هتبتدي بفرض الإتاوة

حصان حلاوة بيشتري كل المزايا
واللي شاطر ينتهـي لخط النهاية
والنهاية بتبتدي فوق الضحية
قصدي أقول يعني الضحايا

فارسنا مش هازم أعادي
أو شق نيل يروي الأراضي
ده بس إنجازه الوحيد
إنه كتّف ف الأيادي
إنه كسّر ف الحصان المنافس
وزاد حصانه ف الغلاوة.

واللي حصانه بيتكسر
بيجري ويستخبى
بياكل ف الحصان حبة حبة
ويقول خلاص أهي بايظة بايظة
لازم اكل م الحلاوة.

لخصت خلاصة الواقع في نص ناقد لاذع
شكرا لك شاعرنا الرائع
تحية وتقدير

لخصت خلاصة الواقع في نص ناقد لاذع
شكرا لك شاعرنا الرائع
تحية وتقدير

بل الشكر لكِ أستاذتنا الفاضلة لمرورك الكريم
لكِ تقديري واحترامي

قصيدة بليغة راقية المضمون
قوية بمعانيها وحسها ولغتها وصورها.
سلمت الأيادي.

عميقة ناقدة باذخة بشاعريتها
جمال في التصوير وبراعة في رسم الحروف
صح بوحك وطاب حرفك.