ساكتة ليه؟؟
اتكلمى
اصرخى
اتالمى
قولى قطر العمر
فاتك
ابكى دمعة
بكّى عينى
قولك عذرك
ريحينى
جرحى أرحم
من سكاتك
أصل صمتك
مش كفاية
تنتهى بيه الحكاية
ماتلاقيش
ولاكلمة واحدة
تكتبيها ف النهاية
صارحى قلبى بالحقيقة
أوبأسباب الرحيل
قولى إيه سرانسحابك!!
بعد منى
فيه بديل؟؟
قلبى مايهموش
غيابك
قد مايهمه الدليل!
قولى كارهة
أعيش ف حلمك
أوتعبت من الطريق
قولى صعب علىّ أضحى
أو تكون لى غير صديق
قيدى نارك
زيدى جرحى
قولى حتى أى شــــئ
أى شىء
أصل صمتك مش كفاية
تنتهى بيه الحكاية
ماتلاقيش
ولاكلمة واحدة
تكتبيها ف النهاية