كتبتها في لحظات اجتاحتني مشاعر الشوق لأبي لكنها مشاعر قلب طفلة شابة ,فغلبني قلمي على تجسيد تلك المشاعر بكلمات الخاصة بالأطفال باللهجة اللبنانية جنوب لبنان ميخمات الفلسطينية.
" بابا "
أنا طفلة الجنوب وبحب الجنوب
بحب مدرسة الجنوب وأهل الجنوب
بحب بحر الجنوب وهوا الجنوب
وبحب زورك كل يوم يا مقبرة الجنوب
اخذ معي غصن أخضر واحملوا
اخذ معي غصن النخلة وافرح فيه
بحملوا على كتفي واهتم في
كرمال اخذه لأبي وأهديه
وبروح زورك يا أبي كل يوم
وبحطن على قبرك يا حنون
وبقولك بابا بحبك انا
بحبك على طول
بحبك اد البحر وموجو
بحبك اد الجبل والسما
بحبك اد العصااااافير
بابا انا ما شفتك ولا مرة
بس بحس فيك على طول
ماما حكتني كتير عنك
وانك كنت بتحبني كتير كتير
وانا حبيتك من دون ما شوفك
وبحس روحي مع روحك
بابا لمين اقول بابا من غيرك
ما بعرف قول بابا يا بابا
ما قلتها بحياتي ولا مرة
بحبك انا يا بابا
نجحت بمدرستي بابا
واتمنيتك تكون معي متل الكل بابا
كلن اجوا مع البابا
الا انا جيت بس مع ماما
بكيت غصب عني بابا
سالوني ليه بتبكي يا حلوة
قلتلن اشتقت لبابا
اشتقتلك بابا كتير ونفسي شوفك
واليوم العيد
اليوم العيد وجيت زورك بابا
ماما اشترتلي ثياب كتير حلوين
بس انا نفسي تكون معي وتحملني
والعب معك بابا
بابا بحبك انا
ولح اهديك سورة الفاتحة بابا
وبحط غصن الأخضر
وإن شاء الله بشوفك يا بابا بالجنة
مايو 2006