أنا عيني ليه دايما بترف .
................................
أنا اللي بصحى ونام زعلان
وقرفت من حكم الإخوان
دا مصر غرقت في الأحزان
يارب يارب الأكوان
تجيلهم الشوطه وتخف
...
على كل باب مليون أزمه
دول مسؤلين مالهم لازمه
والعود مهوشلاقي الحزمه
دا العقل مش فردة جزمه
وأخينا بيدور بينا ويلف
...
أنا نفسي مره أشوف مسؤل
واقف طابور على طبق الفول
ويشوف لنا بسلامته حلول
ولا يتهمشي أي فلول
أنا عيني ليه دايما بترف
...
الكرسي دا حاجه عجيبه
بيجيب لنا كل مصيبه
حواليه تشوف حاجه مريبه
حكام وعايزينها زريبه
دا العقل قرب مني يخف
...
يامصر معلهش وخاطرك
يامرشرشه عالكون عطرك
أنا اللي حاسس بمخاطرك
وصبري دايما من صبرك
دا عليهم العالم بيتف
...
هو البعيد مابيفهمشي
الشعب كله مابينامشي
يا أخينا إرحل يعني امشي
دا مصرقرفت م الطرشي
والخير هرب والنيل بيجف
...
أنا عيني ليه دايما بترف
....