باللهجة السوريّة
----------------
يازهرةْ ال عالجبلْ والريحْ غدّارهْ
والهمّْ ليلْ وديبْ وحْجارهْ
نامْ القمرْوتغطّى بغيماتْ المزْنْ
سودا بِلونْ المسكْ متلْ لَونْ الحزنْ
رعدْ وبرقْ أمطارْ غزّارهْ
يازهرةْ ال عالجبلْ والريحْ غدّارهْ
منْ لوادي رجْعتْ صْواتْ الصَدا
هرْبتْ معْ العتماتْ عَجْناحْ المَدا
يمكنْ أنتْ يمكنْ أنا مدريْ الماحدا
صوتْ بيختفيْ
صواتْ بتجيْ وبتروحْ
مبسوطْ أو مجروحْ
كلّو بالدنيْ زْيارهْ
يازهرة ال عالجبلْ والريحْ غدّارهْ
-------------------------------------