الامم المتحدة علينا

	3 طول مانضرب فى اليمين ولا نتحدّى الشمال مش حنبقى مرتاحين مهما عشنا فى الخيال لو حتتفكك ايدينا مش حيبقى حد فينا والدخيل يدخل علينا والخروج تانى محال -------------"

رجعت للاستمتاع بهذا العمل
تحياتى لك
يا شاعرنا "
حلمى عمر "

الامم المتحدة علينا
-----------
1
الامم لمّت كلابها
وعيّنتهم فى اتحاد
والكلاب اللى ماتشبع
مالجيّف وقت الكساد
عيّنوها تكون أمينه عاللحوم
كيف برب الكون يكون
ياللى عاملين اتحاد
--------------
2
السكك مفروشه ذل
والشجر مالهش ضل
طول مابيحدد مصيرنا
حد غيرنا
مهما نمشى راح نضل
----------------
3
طول مانضرب فى اليمين
ولا نتحدّى الشمال
مش حنبقى مرتاحين
مهما عشنا فى الخيال
لو حتتفكك ايدينا
مش حيبقى حد فينا
والدخيل يدخل علينا
والخروج تانى محال
-------------
4
لاستعمار .... جوّانا احنا
فى الغباوة اللى ف طموحنا
فى القساوة اللى ف جروحنا
لو فى مرّه هوّه جالنا
ألف مره احنا اللى روحنا
----------------
حلمى عمر

قصيدة جيدة جدا من شاعر جيد اتمنى المزيد كى استمتع به
بارك الله لك فى هذه الموهبة

الامم المتحدة علينا
-----------
السكك مفروشه ذل
والشجر مالهش ضل
طول مابيحدد مصيرنا
حد غيرنا
مهما نمشى راح نضل

قصيدة جميلة أخي الشاعر الجميل حلمى عمر