أنا البحار
وتايه بين بحور يأسى
أنا التيار
وكل الكون بخاف بأسى
ولما الليل بعد عنى
وطل نهار
وشوفت السحر فى عيونك
عشقتك عشق فاق نفسى
أنا البحار
فـ بحر عينيكى راح أرسى
أنا التيار
وموجى مستحيل يقسى
على عاشق بيتعلم
فنون عشقك
يا ست الحسن من يومك
قولى لى كيف انا الومك
لو الدنيا هوت سحرك
يا ستى زوّدى سحرك
يا ستى
دوّبى قلبى فـ بحور عشقك
دا انا حلمى أكون فيكى
واكون بيكى
واكون ليكى الحنان والنور
يا ست الحور
يا بدر بدور
على جبينى انكتب اسمك
وفـ عيونى اترسم رسمك
ومين فـ الحسن هيقاسمك
مادام انتى الجمال كله
لقيت الخُضره فـ عيونك
فحبيت العيون الخُضر
وشوفتك .......
صرت مجنونك
عشقتك ما التقيت لى عذر
وهل يقدر بشر واحد ... ما يعشقكيش؟؟!!
شعر: حسن صلاح حسن