متمردٌ
ملحوظة : المقاطع باللون الأحمر تقرأ باللغة الفصحى
-
-
-
متفردٌ ، متمردٌ ، متجردٌ
من كل نقش ٍ في جدار مسلة ِ
يروي بقايا من حكايا جدتي
متملصٌ ، متخلصٌ من كل أكفان ٍ "لتوتٍ" أو "لخوفو"
لا لست أرضاها لقبري
مع إني عارف إنهم أجدادي
هم اللي كانوا أصل كل الإنجازات
هم التاريخ ، أصل الحضارة
هم المباني ، والعمارة
بس القضية والعبارة في اللي جاي
مش في اللي فات
تلك الحياة ُ
الشمس تشرق ساعة ً
ثم تأوي للغروبِ
وتلملم الدفء الذي
قد دُثرتْ بضيائه ظـُلـَمُ الدروبِ
من ذا الذي قد ظنها ستعاود الإشراق منْ
جهة الغروبِ
فلينتظرها ساعة الحشرِ
قالوا لنا قولوا الشعر في الأرض اللي خضرا
والحلم لما نلتقيه زي الحقيقة
ده كان زمان
ده كان محدش فينا عارف أي حاجة عن شئ اسمه العتمة
كان الظلام لما بيتعافى علينا تهزمه شعلة ف شمعة
أو كنا نتجاهله نغمضْ .. نحلم ان الجاي نور
نحلم ببكرة ييجي فكرة ، فكرة تضوي أي ضلمة ، فكرة تهدم أي سور
كنا ف عين الشمس نرمي السنــّة
عارفين هتيجي بكرة لما .. نكبر
ونشوفها نزْعق
دي سنة أكبر ، سنة تقدر
تقضم مخاوفنا وتكسر
كل القشور
فتبان لنا كل الحقايق
دلوقتي لما بافتح الشباك ابص
عارف هلاقي الشمس زي العادة تضحك
بالقاها مش موجودة
بالقاها من غير أي لون
هي اللي فعلا إختفت؟
ولا انا صابني الجنون؟
ولا اتبنى بينا وبينها ألف سور
ولا هــُ يعني الحلم قبل مايصحى .. مات؟
لا تطلبوا مني مصافحة الزمان ِ
فالسم قد راق الخلائق طعمُهُ
والكل قد نزع الكبدْ
وأرى الدنايا في تعلقها بنا
كأواخر القطر الذي لاينثني
عن قطعة الإسفنج بعد جفافها
وأرى زهور الشمس قد كفرت بها
صارت تتابع كل وهم ٍ ، كل طيفٍ يرتدي
زيفا ذهبْ
وإذا رأيت زهيرة أعلنت عصيانها
ركبت جياد الحلم تبحث عن حقيقة ما اختفا
هب الجميعُ
يستصدرون بيانهمْ
يستحشدون جيوشهمْ
ليقاتلوها
فهي التي قد حرضتْ
الطائعين على الشغبْ
والحلم كالمأسورِ
في كل قلبٍ حالم ٍ
يغفو فيحلم ثم يصبح ناسيا
وكأنه قد بات يهذي ليلهُ
يخشى من الإفصاح والجهرِ
والسندباد من بعد ما لف البحور
فجأة اختفى
ناس قالو تاه
من قبل ما يلاقي الأميرة
ناس قالوا مات
من قبل ما يلاقي الجزيرة
بس الأكيد
إنه انتحرْ
-
-
-
باسم زكريا
21-9-2007
رد مع اقتباس
المشاركة الأصلية كتبت بواسطة باسم زكريا
