و بخاف عليكى من الضيا والضلّ و بخاف عليكى من عيون الكلّ فياريت تسامحينى يا نسمة فجر على خدها حلم البشر بيطلّ محتاج أشوفك لأنى محتاجك ضليت طريقى وجيّ لسراجك فبلاش تُردى فى العيون بابك لو مره حسيتى إن خوفى قلّ بفرح إذا شوفتك وأحزن موت لو بين رموشك دمعه واحده تفوت ياللى القمر ليكى ابتسم وانحنى وفرش مطارح خطوتك بالفلّ و بخاف عليكى وانا اللى عمرى ما خُفت وانا اللى بين مدن الشجاعه طُفت بخاف اقول لعينيكى حبيتك وقلبى رغم عذابه عمره ما ملّ وبخاف عليكى من الضيا والضلّ و بخاف عليكى من عيون الكلّ فياريت تسامحينى .. يا نور عينى لو مره حسيتى إن خوفى قلّ شعر / حسن صلاح حسن