|
|
هِنا دندنت للصحوة ، عزوف الموت للشجعان |
| وهِنا سلمت للقهوه سموم الصيف وخذلانـه |
| شريت لعينها دُره ، وباعـت للهوى إنسـان |
| أبيها ولا درت بإن الهوى تهزمنـي الحانـه |
| على شبت لهايب نار ، تسري داخل الشريان |
| وخلت خافقي يشهق يناظـر مـوت شريانـه |
| غياب الخل ضيقني وانا في ضيقتـي بحـلان |
| وكن الشوق سلم لـي خفوقـي بيـد دفانـه |
| صحيح الدنيا ما ترحم تداوي الجرح بالأحزان |
| وانا في داخلي هم ٍ يضـوج بعيـن بركانـه |
| و لازم تعرف اللعبه ؟ وكيف تعيشها رويـان |
| ذكائك يرتوي من فلسفـة افكـار عطشانـه |
| فقيرٍ / ضايعٍ تايه ، و لكن ماهـو بطفشـان |
| يعيش لصالح اعياله ولـو الـروح عرقانـه |
| ابد ماقال أنا مليت ، أنا في هالزمـن تعبـان |
| ابد ما يقول تعطيني يـا دنيـا هـم سجّانـه |
| ابد ما قال يا ويلي وصار امن التعب كسـلان |
| لأنه ما قدر ينسى بطـون اعيـال جوعانـه |
| انا من هيبة الفلاح ، صـرت اذلـل البيبـان |
| وابواب ٍ تطقطقنـي واقـول ابـواب غلطانـه |
| وأنا فبعض الكلام احسب كأنك يا الغلا ندمان |
| ولا ظنيت أبد في يـوم ، تبيـع ورود ذبلانـه |
| أنا كنت ارتجي إنك ، تصون الحُب والأغصان |
| وتسقي الشوق بالماء النقيّ ، أوترحم أغصانه |
| وأثاري قلبك القاسي ؟ يماشي نعمة النسيـان |
| ولا ظنيت أبد في يـوم ، تبيـع ورود ذبلانـه |
| وكنه مادري إني عشقـت ومانـي بالخـوّان |
| وكنه مادري بإنـي لروحـه ارفـع أخوانـه |
| ابرحل واتركه عني وبنسى كـل شـيٍ كـان |
| ولابذكـر ليالينـا وكيـف السحـر بجفانـه |
| وبختمها لك بكلمة ترجّح قول بـن شمـلان |
| إذا كان الشعر ذكرى / بعوف القاف وأوزانـه |
فلسفة / أفكــار .. عطشــانه !!
