أنا شطبت كلام ومشاعر
ومنيش عارفه ......
هو الحرف الطيب سابني ؟
خادني لآخر الحلم وجابني ...
ومن الأول راح للآخر ...!!
فضا الشنطه في آخر الصفحه وعبا دموعي في قلبه وسافر ؟؟؟!!
تاني يا حرفي بتلعب تاني
لعبه قديمه ومش عاجباني
فاكر طيب لما خاصمتك ساعه وبس مكنتش صابر
يومها نادتني وقلت تعالي ...
اعمل انك بقا مش فاكر ....!
منتش شاطر فمتتقلشي عليه وتعمل انك شاعر
أما عجايب.....
هيه جديدة دموع ومواجع
واللا جديدة علينا يا صحبي نكتب حلم خلاص مش راجع
مش كان عهد ما بيني وبينك انك فوق أحلامي وقادر ؟؟
قادر تبكي عليه وتيجي
تترجاني وقلبي يكابر
هنت عليه ؟
لأ متهونش
هيه دقيقه وأقولك حاضر .....!!!