جانا الشتا
جانا الشتا
والبرد خبط عل القلوب
لانت جوايا دفا
ولا حبك التاني يتوب
احنا التقينا في الهوى
زي الظلام والضي
في وقت الغروب
===
مديت إديا للفضا
ارسم نجوم الحب في قلب الضباب
كان حلمنا فوق المدى
لكن عيون القلب يخدعها السراب
لانت بقيت حلمنا
ومعدش ينفعنا التلاقي والعتاب
كان احتمالك للهوى
زي انهزام الضي في وجه السحاب
===
لا تحسبي
إن البكا ضعف وعذاب
لا تحسبي الحقيقة يوم
يمحيها الغياب
كل الحكايا القلب عداها
وداب
لكن حقيقي بوعدك
القلب تاب
هشام مصطفى