وتبكى وقلبى يتقطع

وتبكى
شعر: محمد عبد القوى حسن
================
وتبكى وقلبى يتقطع
بدم الدم صار يدمع
ومش بايدى ومش ذنبى
حاجات مش قادر اوصفها
حاجات جوايا مدفونه
ويمكن نظرتى تفسر
وعهد الله انا بحبك
ولا اقدر على فراقك
ولا قلبى لغيرك لان
وعشت العمر فى الاحزان وبتعذب
ياريت ترحمنى احزانك
وقلبى فى عمره ماخانك
ونفسى فى ضمتك ضمه
بطول العمر انا اشيلك
فى احضانى
فداكى الروح اهى خديها
ياريت كنت اقدر اديها
ياريت الغاليه تعذرنى
انا فاهمك .. انا حاسك
ياريت انا اكون فى وجدانك
واعيش العمر علشانك
ودمعك قال
كلام ما اتقال
ودمعك اكد انى انتى
صحيح ياغاليه عاشقانى
وانا عاشقك .. انا صاينك
عيونك اه على عيونك تدوبنى
تعذبنى وتكتبنى فى روح الروح
وابات مجروح على جروحك
لمين انا ابوح لغير دمعك
وانتى فى منام الليل انا سامعك
وحاسس لوعتك حاسك
لكن اشياء بتبعدنى
تخوفنى وترعبنى
واكتر من احاسيسك انا دايب
ولا عن نظرتك غايب
عشان انتى فى تكوينى
اسافر وانتى فى حنينى
والف الدنيا وارجعلك
بشوف كل البنات فيكى
بشوق الشوق الاقيكى
ينام الطير فى اعشاشه وانا سهران
انا اجيكى
ينام الليل على فراشه وانا حيران اناديكى
على فراش الحنين سهران وبتقلب
وعارف انه مش ذنبك
وادعى ويستجيب ربك
بانى اكون فدى لعيون بتدمعنى
فدى لنظرات تلوعنى
ويوم مانظرتك تضحك
اكون طاير من الفرحه
اكون اسعد حبيب فى الكون
ونفسى اكون سكن ليكى
بشعر ونبضى ارقيكى
واكتبلك بدمى كلام
يحققلك جميع لحلام
ياغاليه الدنيا ببحورها
وببخورها وبقصورها
بجناينها .. باغانيها .. بامانيها
بعشاقها بمحبينها
ماتسوى دمعه من عينك
فارجوكى وبترجى واترجاكى ماتبكى
بكاكى قال كلام ما اتقال
بكاكى حرقنى مزعنى
ودم القلب نازف سال
ومش قادر الم الدمع فى كفوفى
ولا انا قادر انا اوصفلك
واحلفلك
على كل الكتب والدين
مافيه فى القلب غير حبك
وانا مسافر بوجدانى وعهد الله انا بحبك
وانا دايب مع حنانى مافيه فى القلب
غير حبك
وقلبى يشيل كتير احمال وبيحبك
ولو حبك يفارقنى اموت واموت
فدى حبك
بحبك كلمه ماتتقال
بحبك قلبى ميل مال
بحبك فى جميع لحوال
انا بحبك انا بحبك انا بحبك
بحبك كلمه مش عادى
ولا لغيرك انا انادى
ياجاهى ومالى وبلادى
نشيدى وفرحتى وعيدى
ومش بايدى انى انا احبك
اقولها كيف واوصلها
وكيف بالنبض حسيها
وتوصلك .. اكيد والله توصلك
بطول العمر اندهلك
وتوصلك
وانتى فى حضنى بشتقلك
وتوصلك
انا فرحك وانا طرحك وانا جرحك
هاتوصلك
جرحتينى بدمع جراحك الصادقه
وحسيتم ونفسى بجرحى اداويكى
ونفسى بدمى ارويكى
بكل النبض كل الحب كل الحس
كل الصدق اهديكى
حياتى وعمرى واحلامى
الامى وفرحى وايامى
اموت وتعيشى واحبك
بكل احايسى انا بحبك
انا بحبك انا بحبك انا بحبك
ومحتاجلك وبحتاجلك وهاحتجلك
بطول العمر انا جنبك
حاسس نبضك فى جوايا
انا كاتبك .. انا عاشقك
اموت وارحل عن الدنيا
وما اشاهدك فى يوم تبكى
فماتبكيش
اذا كان فرحى بيهمك
تعالى نودع الاحزان
بضمة حب فيها حنان
وننسى كل افعال السنين والناس
فى ضمتنا
وترجع تانى ضحكتنا
وترجع تانى فرحتنا
ويرجع حبنا الانسان
دعا كروان
يصحى الطير
يناجى النيل
ينام الليل على جبينى
ينام البدر فى حنينى
ياقمرة صبحنا الضاحك
انا بحبك
تعيشى العمر لافراحك
وانا جنبك
اداوى بحبى اوجاعك
واكتبلك
كلامى وشعرى وغرامى
الامى وجرحى واحلامى
حياتى ومنيتى سلامى
كتابى وشعرى وعلامى
انا بحبك انا بحبك انا بحبك

www.maa66.jeeran.com

أخي الفاضل محمد عبد القوي:

دعني بداية أرحب بك في واحتك واحة الفكر والأدب ملتقى النخبة ودار ندوتهم وأرجو أن يطيب لك المقام بيننا.

ثم دعين أشكر لك ما قدمت من شعر شعبي هنا مما يشهد لك بالتميز والقدرة الفائقة منذ أول مشاركة. ننتظر منك المزيد مما أظنه سيسعد القراء دوماً.

واسمح لي مستأذناً أن أنقل هذه المشاركة في القسم الذي تنتمي إليه فسياسة الواحة تتبع مبدأ التصنيف الأدبي.


تحياتي وتقديري

ربيحة علان